Минзәлә теннисчыларының уңышлары: Нестор кабат пьедесталга күтәрелде, ә Амелия иң яшь призер булды

Илшат Вагыйзов, "Минзәлә-информ"
Нестор Калашников һәм Амелия Ситдыйкова Яр Чаллы шәһәрендә узган өстәл теннисы буенча "Заря" спорт мәктәбенең ачык беренчелегендә призлы урыннар яуладылар.
"Олимп" спорт мәктәбендә шөгыльләнүче ике яшь теннисчы да, 3 урынга лаек булдылар. Нестор-2010 елгы һәм кечерәкләр категориясендә, Амелия-2012 елгы һәм кечерәкләр арасында.
Сүз уңаеннан, 6 яшьлек Амелия турнирның иң яшь призеры булды, ул 5 тапкыр үзеннән өлкәнрәк катнашучылар өстеннән җиңү яулады! 
Ярышларга баруны оештыруда минзәләлеләргә "Онлайн" реклама остаханәсе ярдәм итте.