Югары Тәкермән фермеры Салават та сынатмый

(Минзәлә, Дилфас Галиев, "Минзәлә-информ") Салават 2017 елда “Эш башлаучы фермер” буларак грант ота. Шул акчага 100 баш мөгезле эре терлеккә исәпләнгән абзар төзи һәм төрле җирдән симертү өчен бозаулар сатып ала. Эшмәкәрнең фермасында  бүгенге көндә өч кеше хезмәт куя. Салаватның бүгенге көндә 80 баш симертүдәге үгезләре бар.  Булдыклы фермер хәзерге вакытта ит токымлы герефорд, симменталь үгезләр тота. Ул үгезләрнең һәрберсеннән ким дигәндә 300 кило ит чыга. Җитештергән итен Чаллы шәһәрендәге базарда, ярминкәдә һәм авылдашларына сата. Аның итен чират торып алалар.