Гүзәлия Исламова - "Әйтер сүзем юк..."

Заманалар авыр, диләр ,
Ул кайчан җиңел булган?...
Әнкәйләрнең балачагы
Юклык, ачлыкта узган.

Авыр, диеп зарланабыз -
Авыр ул ничек була?...
Һәр таңыбыз тынычлыкта ,
Тук тамак белән туа.
Шулмы ул авыр була??

Кияргә киемнәр юкмы?-
Шкафлар шыплап тулган.
Әнкәйләрнең яшьлекләре
Чабата киеп узган....

һәр ашауга яңа кирэк ,
Иске ипи - кәҗәмә.
Әңкәй кадерли икмәкне ,
Ашап үскәч кәлҗәмә.

Авыр заман шул буламы ?
Җәяү йөрми балалар.
Патша җәяү йөргән җиргә
Машинада баралар...

Керләрне юа машина ,
Суны да ташыйсы юк.
Йорт саен өч-дүрт суыткыч ,
Бүлмә саен ноутбук...

Авыр, диеп зарланганга
Әйтергә дә сүзем юк...

Гүзәлия Исламова