«Кеше китә — җыры кала» сериалында Минзәлә артистлары да уйный

Дифиза Нуриева, 17 апрель 2025 - 08:11

217

Бөек Җиңүнең 80 еллыгына багышланган «Кеше китә — җыры кала» сериалы премьерасы 28 апрельдә «ТНВ-Татарстан» hәм «ТНВ-Планета» каналларында башланачак.

«Кеше китә — җыры кала» сериалында Минзәлә артистлары да уйный

Татарстанның халык язучысы Мөхәммәт Мәһдиев повесте буенча төшерелгән «Кеше китә — җыры кала» дигән сериалны тәкъдим итү чарасы Әлмәттә һәм Казанның «Мир» кинотеатрында узды.

Әлеге фильмда 10 төрле театрдан 100 артист, тагын 200 кеше массовкада катнашты. Рольләрдә Сабир Өметбаев исемендәге Минзәлә татар дәүләт драма театры артислары Татарстанның халык артисты Венера Нигъмәтуллина һәм Азат Җиһаншин да бар.