Минзәлә педагогия көллиятендә Муса Җәлилгә багышланган шигырь укучылар конкурсы узды

— М.Җәлил шигырьләре фашизмга каршы дәһшәтле көрәштә катнашкан миллионлаган совет кешеләренең күңел матурлыгы турында сөйли. Бөек татар шагыйренең иҗатын һәм истәлеген кадерләр балаларны күрү бик күңелле. Җәлил шигырьләре рус, татар, инглиз һәм француз телләрендә яңгырады, — дип хәбәр итте «Минзәлә-информ» га Муса Җәлил мемориаль музее мөдире Энҗе Данилова. 

Жюрида танылган татар шагыйре, диплом лауреаты Рәшит Гәрәй, ТР Журналистлар берлеге әгъзасы, шагыйрә Надежда Пучкова, ТР атказанган мәдәният хезмәткәре Лениза Якиева, ТР атказанган артисты Әлфидә Теряева катнашты.

Укучылар һәм студентлар жюри әгъзалары укыган шигырьләрне ишетә алдылар.