Минзәлә театрында режиссер Александр Далматов спектакль чыгара

Бүгенге көндә режиссёр, язучы, журналист Александр Далматов Сабир Өметбаев исемендәге Минзәлә татар дәүләт драма театрында Фәнис Яруллинның «Кыйгак-кыйгак каз кычкыра» повесте буенча (инсценировка авторы — Алсу Хәбибуллина) «Сәхи(я)» спектаклен чыгару белән мәшгуль. 
Александр Далматов тамашачыга М. Мәһдиев әсәре буенча куелган «Кеше китә — җыры кала», Туфан Миңнуллинның «Ай булмаса, йолдыз бар» телевизион сериаллары аша яхшы таныш. Ул — әлеге фильмнарның режиссеры. 

«Сәхи(я)» спектаклендә  Сәхия язмышы аша бөтен бер чор — көчле хатын-кызлар язмышын чагылдыра. Әнисенең фаҗигале үлеменнән һәм әтисенең фронтка китүеннән соң, яшь Сәхия исән калу һәм гаиләсен яклау өчен үзенең хатын-кызлыгыннан ваз кичә. Ул үз өстенә ир-ат җаваплылыгы алырга, көч белән эш итәргә мәҗбүр була. 
Режиссер, артистлар, бөтен команда күңелләрен салып эшләгән иҗади процессның нәтиҗәсен премьерада күрәчәкбез. 

Спектакль «Бердәм Россия» партиясенең «Кече Ватан мәдәнияте » проекты кысаларында чыгарыла. 

Фотолар театр сайтыннан.

ВКонтакте: Мензелинск news - Мензеля-информ

MAX: Новости Мензелинска - Мензеля онлайн

Одноклассники: ok.ru/menzelinsk

Telegram-канал: Мензелинск news - Мензеля-информ