Минзәләдә Тукайга багышланган шигырь укучылар конкурсы узды

Минзәлә үзәк китапханәсендә бөек татар шагыйре Габдулла Тукайның тууына 139 ел тулу уңаеннан «Тукай — безнең йөрәкләрдә» дигән шигырь укучылар конкурсы үтте.

Катнашучылар арасында Тукай шигырьләрен татар һәм рус телләрендә башкаручылар да, аның шигырьләренә язылган җырларны җырлаучылар, шагыйрьнең әсәрләрен укыган кешеләр дә бар иде.

Төрле номинацияләрдә чыгыш ясаучыларны мөхтәрәм жюри: «ТАТМЕДИА» АҖ «Минзәлә-информ» филиалы «Сибелә чәчәк» әдәби берләшмә җитәкчесе Пучкова Наҗия, Татарстан Республикасының атказанган артисткасы — Хәммәтуллина Гүзәл Рәхимулла кызы, 1 нче урта мәктәп татар теле укытучысы Гайнуллина Лилия Әхәт кызы бәяләде. Барлык катнашучылар да төрле номинацияләрдә дипломнар белән бүләкләнделәр.