«Минзәлә» газетасы Сафиуллиннар гаиләсенең аерылгысыз дусты

Чираттагы бүләккә Сафиуллиннар гаиләсе лаек булды.

Фиразия Сафиуллина:

—Мин үзем Минзәлә шәһәренә 1981 елда килдем һәм 1982 елдан район газетасын алдырам. Бер елны да язылмый калган юк. «Минзәлә» — тирән мәгълүматлы, укылышлы басма. Мин аны иң соңгы битеннән укый башлыйм. Гади кешеләрнең язмышлары турында матур итеп бәян итәсез. Безнең район мәдәният сарае хезмәткәрләре, үзешчән артистларыбыз турында да язасыз. Район газетасында районыбызда хезмәт иткән фидакарь шәхесләрне данлыйсыз.

Исегезгә төшерәбез, «Минзәлә» район газетасына редакция бинасында урнашкан «Кырык тартма» халыкка хезмәт күрсәтү үзәгендә һәр айны язылырга була.