Минзәлә районында Ашыгыч ярдәм чакыру телефоннары үзгәрде

— 103 бердәм диспетчер номеры буенча, ягъни ашыгыч ярдәмгә турыдан-туры шалтырату;
— 112 номеры буенча — барлык гадәттән тыш хезмәтләрне чакыруның бердәм номеры.

Минзәлә районында ашыгыч ярдәм чакыруларын кабул итүнең башка төрле ысулы юк. Барлык операторлардан да шалтыратулар Казанга 103 номерына (шәһәрдәге стационар телефоннардан шалтыратуларны да кертеп) бердәм диспетчер үзәгенә күчерелде. Бу — ашыгыч ярдәм эшен тагын да төгәлрәк һәм ышанычлырак итү максатыннан эшләнде.

Ашыгыч ярдәмне ничек дөрес чакырырга?

Номерны җыеп, диспетчерга тиз генә түбәндәгеләрне әйтергә әзер булыгыз:
төгәл адрес (район, урам, йорт, фатир, подъезд, кат);
сезнең тулы исем-фамилиягез;
чакыру сәбәбе (кыска һәм аңлаешлы итеп).

Телефон шалтыратуын кабул иткән кеше бөтен мәгълүматны алып бетергәннән һәм трубканы куярга рөхсәт иткәннән соң гына телефонны сүндерегез. 
Барлык сөйләшүләр дә яздырылып барыла.
Ашыгыч ярдәм бригадалары бары тик медицина ярдәме кирәк булганда гына чыга.
Ашыгыч ярдәмне чыннан да авыруның хәле бик нык авыр булганда гына чакыртыгыз.
Исегезгә төшерәбез: ашыгыч ярдәм бригадасы ялган чакыруга барган вакытта, кемнеңдер гомере кыл өстендә булып, чыннан да ярдәмгә мохтаҗ булырга мөмкин. 

Район үзәк хастаханәсе.