Ни белән тукланабыз?

Минзәләдә азык-төлек кибетләре адым саен дияр­лек, ассортимент та бай. Бе­ренче кибеттә үк бераз чери башлаган яшелчә һәм җиләк- җимешкә тап булдык, түбән бәядән сатылучы кайбер сөт продуктларының да срогы чык­кан. Консервланган кукурузның да тышкы кыяфәте начар. Рейдның азык-төлекнең сый­фатын белү максатыннан уз­дырылуын белептер, ахры, ки­бет ишекләрен бик теләп ачып тормадылар безгә.

Алдагы кибет сатып алучы­лар арасында популяр бул­са да, аның хуҗасы, үзе дә аңламыйча, камерага төшерергә рөхсәт итмәде. Шу­лай булса да, без даими сатып алучы белән әңгәмә корырга өлгердек.

"Бу кибет миңа бик ошый, биредә сыйфатлы товар са­тыла. Казылык алырга бирегә йөрим", - диде Галина Хомяк.

Без кергән соңгы кибеттә кон­сультант үлчәп сатыла торган товар турында мәгълүмат бул­мавын искәртте.

Рейд барышында срогы чык­кан тортлар да очрады. Са­тучы аларны кисәтүдән соң алып куйды.

Рейдларның максаты - "тыр­нак астыннан кер эзләү түгел", ә күп кенә кибетләрдә срогы чыккан ризыкларның булуын ачыклауда. Без бары тик минзәләлеләр хәләл акчала­рына сатып ала торган азык- төлекнең сыйфатын белергә телибез. Алга таба да мон­дый рейдлар уздыру дәвам итәчәк, әмма бу юлы проку­ратура хезмәткәрләре белән берлектә.