Минзәлә

Минзәлә районы

18+
Рус Тат
2024 - год Семьи
Җәмгыять

Соңгы сүзне суд әйтә

Практика нәтиҗәләреннән күренгәнчә, гражданлык эшләренең чама белән өчтән икесе педагогик эшчәнлеккә бәйле рәвештә вакытыннан алда пенсия билгеләү турында. Шуңа бәйле рәвештә, бу мәкаләдә сүз шул хакта.

Педагогик эшчәнлеккә бәйле рәвештә вакытыннан алда хезмәт пенсиясен билгеләүне кире кагу кагыйдә буларак түбәндәге очракларда була: хезмәткәрнең квалификация күтәрү курсларында булган, бала карау буенча ялда булу, шулай ук Кораллы Көчләр саф­ларында хезмәт итү вакытла­ры эшләүченең белгечлек буенча хезмәт стажыннан төшереп калдырыла; башка­рылган эш, вазифа, һөнәр яки учреждение исеменең хезмәт эшчәнлеге турындагы доку­ментлардагы язмалары мон­дый төр пенсия билгеләүгә хо­кук бирүче законда каралган исемлек белән туры килмәве.

Пенсия органнарының хезмәт эшчәнлеге белән бәйле рәвештә берничә тапкыр ква­лификация күтәрү курсларын­да булган затларга пенсия билгеләгәндә дә сораула­ры күп туа. Квалификация­не күтәрү хезмәткәрләрнең һөнәри эшчәнлеген ка-милләштерүгә һәм теоре­тик белемнәрне яңартуга юнәлтелә, аларны практи­када ныгыту, шул исәптән хезмәткәрнең төп һөнәри эшчәнлеге барган шартларда башкарыла.

Квалификация күтәрү кур­сларында булган чор уртача хезмәт хакы сакланган хезмәт эшчәнлеге чоры булып санала, эш бирүче РФ Пенсия фондына иминият взносларын күчерә, димәк, бу чор алдан пенсия билгеләү хокукы бирүче стаж­га кертелә. Өстәвенә, педаго­гик эшчәнлек алып баручы зат өчен махсус норматив актлар нигезендә квалификация күтәрү мәҗбүри.

Район судында бу мәсьәләгә караган барлык гражданлык эшләре буенча квалификация күтәрү курсларында булган чорны стажга кертү таләпләре канәгатьләндерелде.

1989 елның 1 декабреннән хезмәт хакын сакламыйча бала тәрбияләү өчен бирелә тор­ган отпуск озынлыгы өч елга кадәр озайтылды. Бу өстәмә отпуск гомуми һәм өзлексез стажга, шулай ук белгечлек буенча стаж исәбенә кертелә иде.

РФ Югары судының бала тәрбияләү буенча отпускны гомуми стажга кертү өчен хокукый нигез һәм шарт­лар турындагы күпсанлы аңлатмаларына да карамас­тан (әгәр дә ул РФның 1992, 25.09. кабул ителгән "РФның хезмәт турындагы законнар кодексына үзгәрешләр һәм өстәмәләр турында"гы законы көченә кергәнче булса), юга­рыда бәян ителгән категориягә керүче гражданнарга срогын­нан алда пенсия билгеләүне кире кагу очраклары бар.

Бер гражданлык эше буенча Пенсия фонды балалар бе­лем бирү учреждениесенең исеменең ("балалар комбина­ты") формаль рәвештә туры килмәве аркасында пенсия билгеләү кире кагылган бул­ган. Чөнки мондый исемдәге учреждениедә педагогик эшчәнлек алып баручы затлар­га алдан пенсиягә чыгу карал­маган. Суд дәгъвачының ба­лалар комбинатында эшләгән бәхәс тудырган бу чорын пе­дагогик стажга кертергә дигән нәтиҗәгә килә.

1999 елның 1 ноябреннән соң балалар бакчасы мөдире ва­зифасын башкарган чор пе­дагогик стажга керми. Шуның нигезендә бер дәгъвачының гаризасы кире кагылды.

СССР Кораллы Көчләрендә хезмәт иткән чорны махсус ста­жга кертү турындагы дәгъва таләбен караганда, суд хезмәт иткән чорда гамәлдә булган законнарның выслуга буенча пенсия билгеләү өчен бел­гечлек буенча хезмәт стажына кертүне тыймавыннан чыгып эш итте. Педагогик эшчәнлек алып баручы дәгъвачының таләпләре үтәлде - аның ча­кырылыш буенча СССР Корал­лы Көчләрендә хезмәт иткән чоры картлык буенча срогын­нан алда пенсия билгеләүгә хокук бирүче хезмәт стажына кертелде.

Күргәнебезчә, РФ Пенсия фонды органнарының бу мәсьәләдә гаризаларны кире кагуы суд тарафыннан еш кына нигезсез булуы ачы­клана. Пенсия билгеләүдә кире кагуларга дучар ителгән гражданнарның сайлау мөмкинлеге һәрчак бар.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X