Бөгелмәдә театр директорын эштән алганнар

Баталов исемендәге Бөгелмә драма театры директоры Эльвира Сибгатуллина Челик ышанычын югалту сәбәпле эштән алынды.

Татарстан прокуратурасы хәбәр иткәнчә, директор театрга үз әнисен эшкә алып, коррупциягә каршы тору турындагы законны бозган. Ул аңа башка хезмәткәрләр белән чагыштырганда арттырылган күләмдә бер тапкыр бирелә торган түләүләр билгеләгән.

Прокуратура таләбе буенча театр директорын эштән чыгарганнар.