Казанда белдерүләрне үз белдеге белән ябыштырган өчен штрафларны арттырырга телиләр

Эшлекле дүшәмбедә Административ-техник инспекция идарәсе башлыгы Артур Мөхәммәтшин шундый тәкъдим белән чыгыш ясады. Аның сүзләренә караганда, басма продукциянең шактый өлеше яктырту баганаларында, светофорларда, юл билгеләрендә һәм җәмәгать транспорты тукталышларында күренә, бу шәһәрнең тышкы кыяфәтенә тискәре йогынты ясый. 

Даими рейдларга һәм гамәлдәге штрафларга карамастан, тәртип бозучылар эшләрен дәвам итәләр. Сәбәпләрнең берсе дип физик затлар өчен санкцияләрнең артык түбән булуын атыйлар. 

Административ-техник инспекция идарәсендә ТР Административ хокук бозулар кодексының 3.5 маддәсе буенча штрафны 1 меңнән 3 мең сумга кадәр арттырырга тәкъдим иттеләр.