Татарстанда 2026 елда беренче булып малайлар туган

Admin, 1 гыйнвар 2026 - 16:09

Соңгы тәүлектә (31 декабрьдә иртәнге 8 дән 1 гыйнварда иртәнге 8 гә кадәр) Татарстанда 47 бала туган: 21 малай Һәм 26 кыз, дип хәбәр итә Татарстан Сәламәтлек саклау министрлыгы матбугат хезмәте.

Яңа ел төнендә (0.00 дән 8.00 гә кадәр) республикабызда 18 бала туды: 8 малай һәм 10 кыз.

Яңа ел төнендә Татарстанда беренче булып ике малай туды — икесе дә 0.45 сәгатьтә. Ике әни дә параллель рәвештә Казанда М. Н.Садыйков исемендәге 7 Шәһәр клиник хастаханәсенең перинаталь үзәгендә бала тапканнар. Сабыйларның авырлыгы 2,8 һәм 4 килограммнан артык.