Татарстанда йөкле студентларга түләү регламентын расламакчылар

Татарстанда көндезге бүлектә белем алучы хатын-кызга йөклелек буенча исәпкә куелганда бер тапкыр бирелә торган түләү регламентын расларга телиләр.

Исәпкә куелганда акча алуга заявканы көндезге бүлектә белем алучы, РФ гражданины булган йөкле хатын-кызлар бирә ала. Моннан тыш, заявканы законлы вәкилләрнең ризалыгы белән балигъ булмаган йөкле хатыннар, вәкил үзе яки вәкилдән ышаныч кәгазе булган кеше бирә алачак.

Гаризаны шәхсән яки дистанцион рәвештә, шул исәптән почта аша да җибәрергә мөмкин. Әгәр закон проектын кабул итсәләр, түләүләрне көтүнең максималь вакыты, гариза бирү формасына карамастан, 10 эш көне тәшкил итәчәк.