Татарстанда көзнең җылы тору сәбәпләре аталды

Кыш алды фазасы 19 ноябрьгә кадәр дәвам итәчәк, ә алга таба безне кышкыча һава торышы көтә, дип хәбәр итә КФУның мәгълүмат сәясәте департаменты, Гидрометүзәккә сылтама ясап.

Казанда хәзер тиешеннән күпкә җылырак, дип билгеләп үтә метеорология, климатология һәм агрометеорология докторы Юрий Переведенцев. Моңа Төньяк Атлантикадан килгән циклоннар гаепле — ул аларны безгә бер-бер артлы җибәрә, һәм нәтиҗәдә республикада уртача температура безнең климат зонасы өчен тиешледән якынча 4,5 градуска югарырак. Шулай ук Переведенцев билгеләп үткәнчә, Татарстанның җылы климатында глобаль җылыну да мөһим роль уйный: ул 10 ел эчендә температураны ярты градус тизлек белән күтәрә. 
Октябрь сигез ел рәттән җылырак, ә ноябрь — биш ел. Глобаль җылынуның иң сизелерлек йогынтысы нәкъ менә елның салкын вакытында була.

Фото «Мензеля-информ» архивыннан.