Татарстанда М-7 трассасында машина йөртүче һәм пассажир һәлак булган

Дифиза Нуриева, 18 ноябрь 2025 - 14:55

Беренчел мәгълүматлар буенча, сәбәбе тайгак юлда артык югары тизлек булган.

2025 елның 18 ноябрендә 02:30 тирәсендә Уфа юнәлешендә М7 «Волга» трассасының 1071 нче километрында (Тукай районы) Свердловск өлкәсенең теркәү билгеләре булган Toyota автомобиле йөртүчесе куркынычсыз хәрәкәт тизлеген сайламаган һәм туктап торган йөк фурасына бәрелгән.

Юл-транспорт һәлакәте нәтиҗәсендә җиңел машина йөртүчесе һәм пассажиры урында һәлак була. Моңа кадәр ГЛОНАСС системасы буенча трассаның әлеге участогында бозлавык турында хәбәр килгән була.