Минзәлә районында техникаларны кышкы саклауга куюны тикшерделәр

Дилфас Галиев, «Минзәлә-информ»
Районыбыз хуҗалыклары арасында авыл хуҗалыгы техникасын кышкы саклауга кую һәм машина трактор паркларының техникаларны ремонтлауга әзерлеген Татарстан Республикасының авыл хуҗалыгы һәм азык-төлек министрының урынбасары Гелюс Баязитов, район авыл хуҗалыгы һәм азык-төлек идарәсенең начальнигы Илфар Халиков, район авыл хуҗалыгы һәм азык-төлек идарәсе белгечләре: Равил Сәйфиев, Илгиз Фәйрушин, Минзәлә районы буенча дәүләт техник күзәтү бүлегенең өлкән инспекторы Ринат Гыйльмановтан торган комиссия тикшерде. Алар ашлык, азык җыю комбайннарының, азык әзерләү техникасының, чәчү, туфрак эшкәртү агрегатларының торышын бәяләде. Шулай ук ремонт эшләрен башкаручы хезмәткәрләргә тудырылган эш шартларын, техника куркынычсызлыгы кагыйдәләрен саклау буенча бәя бирделәр. Комиссия районның барлык авыл хуҗалыгы предприятиеләрендә йөреп чыкты, машина трактор паркларындагы эш белән танышты һәм техниканы кышкы саклауга куюның торышына да бәя бирде.