Минзәләдә кар катламы 65 сантиметрга җитте

Ике ай эчендә бик күп кар яуды. Быелгы кыш үзенең мул карлары белән сөендерә. Минзәлә метереология станциясенең техник метереологы Светлана Рахманова сүзләренә караганда, аларның мәйданчыгында кар катламы 65 сантиметрга җиткән. Былтыргы белән чагыштырганда, кар катламы 9 сантиметрга күбрәк.

Ә станциянең контроль басуында кар катламы 49 сантиметр тәшкил иткән. Бу атна азагына тагы шактый кар явуы көтелә, шулай булгач, кар катламы берничә сантиметрга артачак әле. Биредә 31 гыйнварда басудан алынган уҗымның торышы контрольдә тора.