«Калморза» хуҗалыгында басуларны тоташтыру өчен үзләре юл салалар

Биредә бер басу белән икенче басуны тоташтыру өчен уйсу җиргә ташлар сала башлаганнар.

Ташларны «Амкадор» төягечендә Леонид Кудрявцев «КамАЗ» автомашиналарына төяп тора. «КамАЗ» автомашиналары шоферлары: Александр Спиридонов һәм Владимир Мельников ташып торалар. Ташыган ташларны «Амкадор» да Илгиз Суфиянов тарата, ә Миңнур Батршин куәтле трактор Нью холанд белән таптап, тыгызлап тора.

Тиздән шул юлдан механизаторлар трактор һәм автомашиналар белән Николаевка ягына җилдерәчәкләр.