Министр урынбасары Минзәлә районындагы фермаларны карады

Татарстан Республикасы авыл хуҗалыгы һәм азык-төлек министрының терлекчелек буенча урынбасары Нәкыйп Хаҗипов  районыбыз фермалары белән танышып йөрде. Ул башта “Калморза” хуҗалыгында булып капиталь ремонттан соң төзекләндерелгән  торакны карады. Бу хуҗалыкта  терлекләрне карау, саву юнәлешендә яңа технологияләрне керттеләр.  Монда сыерларны бәйсез тоту технологиясен үзләштереп, сөтнең сыйфатын һәм күләмен киметмәү, терлекләрнең сәламәтлеген саклап калу буенча күп эшләр эшләнә. Министр урынбасары  “Органик груп-Чулман” ҖЧҖнең Югары Тәкермән сөтчелек комплексындагы торакларны карады."Вахитов” бүлекчәсе Урыс авылындагы таналар үстерү фермасындагы эшләр белән танышты.