Ярдәм янәшә- исемлектәге һәр кеше үз өлешен алачак

(Илдус Шаһиев, "Мензеля-информ"). Мәктәп яшендәге балаларга кагылышлы ярдәм акциясен тормышка ашыруда мәгариф бүлеге хезмәткәрләре зур өлеш кертте.
Район башкарма комитеты җитәкчесенең социаль эшләр буенча урынбасары Неля Бикеева:
-Ярдәм янәшә акциясен тормышка ашыруда безгә волонтерлар нык ярдәм итә. Ярдәмгә мохтаҗларга барып җиткәнче колосаль эш башкарылды. Без эшебезне продукт тупланмаларының кешеләргә май аеның беренче көннәрендә барып җитсен дип оештырабыз.
Исегезгә төшерәбез, районга продуктлар тутырылган 554 коробка кайтты. Бу көннәрдә өч меңгә якын мәктәп укучысына сухпаек формасында ризык бирелүен исәпкә алсаң, район кешеләренең азык-төлек куркынычсызлыгы индексы ныгыган, дип була.