Казан мэры янә БМО консультатив комитеты башлыгы булды

Admin, 26 июнь 2026 - 09:29

Татарстан башкаласы мэры Илсур Метшин БМОның яңадан Җирле үзидарә мәсьәләләре буенча консультатив комитеты президенты вазифасына сайланды (United Nations Advisory Committee of Local Authorities, UNACLA).

Мондый карарны Мароккодагы Танжер шәһәрендә узучы «Берләшкән шәһәрләр һәм җирле хакимиятләр» Бөтендөнья конгрессында катнашучылар кабул итте, дип хәбәр итә Казан мэриясенең матбугат хезмәте.
БМО каршындагы консультатив орган 323 мең муниципалитет мәнфәгатьләрен яклый һәм БМО белән бөтен дөнья буйлап җирле хакимият арасында үзара хезмәттәшлекне координацияләү белән шөгыльләнә. Метшин аны беренче тапкыр 2019 елның ноябрендә җитәкләде. Хәзер ул комитет белән тагын өч ел җитәкчелек итәчәк.
Моннан тыш, элегрәк Казан мэры яңадан ОГМВ-Евразия президенты постына сайланды. Штаб-квартирасы Казанда урнашкан ОГМВ-Евразия Россия, Азербайджәрбәйҗан, Белоруссия, Казахстан, Кыргызстан, Таҗикстан, Төрекмәнстан, Үзбәкстан һәм Монголиянең 120дән артык муниципалитеты мәнфәгатьләрен яклый.