Татарстан табиблары 9 яшьлек малайны лейкоздан дәвалаган

Татарстан табиблары яңа препаратлар кулланып, лейкоз белән авырган баланы дәвалый алды. Бу хакта Сәламәтлек саклау министрлыгы хәбәр итә, дип яза Татар-информ.

9 яшьлек малайда авыр формадагы лейкоз булган. Авыру аркасында аның хәле нык катлауланган: баш миенә кан саву, шеш, шулай ук эчәклек авырулары барлыкка килгән. Табиблар, хәле авыр булуга карамастан, баланы коткару өчен көрәшне дәвам иткән.

Гади химиотерапия ярдәм итмәгәнгә, табиблар Россиядә моңа кадәр кулланылмаган яңа препаратларны кулланган. Бер айдан соң ук пациентның хәле яхшыра башлаган.

2025 елда малайга баш сөяген торгызу операциясе ясалган, ә 2026 елда — эчәклеккә бәйле дәвалау дәвам иткән. Бүген бала тулысынча сәламәт: ул укый, футбол уйный һәм тимераякта шуа.